سورة الدخان

كَذَٰلِكَ وَزَوَّجْنَاهُم بِحُورٍ عِينٍ

اسی طرح ہوگا اور ہم ان کا نکاح سفید جسم، سیاہ آنکھوں والی عورتوں سے کر دینگے، جو بڑی آنکھوں والی ہیں۔

1۔ كَذٰلِكَ: ’’أَيْ اَلْأَمْرُ كَذٰلِكَ‘‘ یا ’’ يَكُوْنُ كَذٰلِكَ‘‘ یعنی ایسے ہی ہو گا، نہ ہونے کا سوال ہی پیدا نہیں ہوتا۔ 2۔ وَ زَوَّجْنٰهُمْ بِحُوْرٍ عِيْنٍ:’’ حُوْرٌ ‘‘ ’’حَوْرَاءُ‘‘ کی جمع ہے، نہایت گوری عورت جس کی آنکھوں کی سیاہی بہت سیاہ اور سفیدی بہت سفید ہو، جسے دیکھتے ہی بندہ حیران رہ جائے۔ بعض نے معنی کیا، سیاہ آنکھ والی عورت جس کی آنکھ میں سفیدی کا حصہ بہت کم ہو۔ ’’ عِيْنٍ ‘‘ ’’عَيْنَاءُ‘‘ کی جمع ہے، بڑی آنکھوں والی عورت۔