سورة الأحزاب

خَالِدِينَ فِيهَا أَبَدًا ۖ لَّا يَجِدُونَ وَلِيًّا وَلَا نَصِيرًا

اس میں ہمیشہ رہنے والے ہمیشہ، نہ کوئی دوست پائیں گے اور نہ کوئی مدد گار۔

1۔ خٰلِدِيْنَ فِيْهَا اَبَدًا: پھر یہ نہیں کہ کچھ دیر رہ کر اس سے نکل آئیں گے کہ اس خیال سے بھی تکلیف کچھ کم ہو جاتی ہے، بلکہ ’’خٰلِدِيْنَ فِيْهَا ‘‘ وہ اس میں ہمیشہ رہنے والے ہیں اور یہ نہ سمجھو کہ ’’ خٰلِدِيْنَ ‘‘ کا لفظ صرف لمبی مدت کے لیے ہے، بلکہ ’’ اَبَدًا ‘‘ یعنی یہ ہمیشگی ابدی ہے، کبھی اس سے نکلنے والے نہیں۔ 2۔ لَا يَجِدُوْنَ وَلِيًّا وَّ لَا نَصِيْرًا : عذاب کی ہمیشگی کی مزید تاکید کے لیے فرمایا کہ عذاب میں مبتلا آدمی کو یا تو کوئی دوست سفارش کر کے چھڑوا سکتا ہے، یا مددگار جو زبردستی چھڑوالے، مگر کفار کو وہاں کوئی دوست ملے گا نہ مددگار۔ دیکھیے سورۂ بقرہ (۴۸)۔