سورة الشعراء

كَذَّبَتْ ثَمُودُ الْمُرْسَلِينَ

ثمود نے رسولوں کو جھٹلایا۔

1۔ كَذَّبَتْ ثَمُوْدُ الْمُرْسَلِيْنَ....: ثمود اور صالح علیھما السلام کا قصہ اس سے پہلے سورۂ اعراف (۷۳ تا ۷۹)، ہود (۶۱ تا ۶۸)، حجر (۸۰ تا ۸۴) اور بنی اسرائیل (۵۹) میں گزر چکا ہے۔ مزید دیکھیے سورۂ نمل (۴۵ تا ۵۳)، ذاریات (۴۳ تا ۴۵)، قمر (۲۳ تا ۳۱)، فجر (۹) اور شمس (۱۱)۔ 2۔ اِنِّيْ لَكُمْ رَسُوْلٌ اَمِيْنٌ: صالح علیہ السلام کی قوم بھی ان کی امانت و دیانت اور غیر معمولی قابلیت کو مانتی تھی۔ (دیکھیے ہود : ۶۲) قوم کا انھیں ’’ اِنَّمَا اَنْتَ مِنَ الْمُسَحَّرِيْنَ ‘‘ کہنے سے بھی ثابت ہوتا ہے کہ نبوت کے اعلان سے پہلے وہ ان کے نزدیک نہایت سمجھ دار اور عقل مند تھے اور ان کی حالت کی تبدیلی ان کے خیال سے جادو کا نتیجہ تھی۔