سورة طه - آیت 100

مَّنْ أَعْرَضَ عَنْهُ فَإِنَّهُ يَحْمِلُ يَوْمَ الْقِيَامَةِ وِزْرًا

جو اس سے منہ پھیرے گا تو یقیناً وہ قیامت کے دن ایک بڑا بوجھ اٹھائے گا۔

مَنْ اَعْرَضَ عَنْهُ....: منہ پھیرنے سے مراد اس نصیحت پر ایمان نہ لانا اور عمل نہ کرنا ہے۔ ’’ وِزْرًا ‘‘ پر تنوین تعظیم و تہویل کے لیے ہے، بڑا بوجھ، بھاری بوجھ۔ ’’حِمْلًا ‘‘ بمعنی ’’مَحْمُوْلٌ‘‘ ہے، جیسے ’’ذِبْحٌ‘‘ بمعنی ’’مَذْبُوْحٌ‘‘ ہے، اٹھایا ہوا (بوجھ)۔ ’’سَآءَ ‘‘ فعل ذم ہے، جس کا فاعل ضمیر مبہم ’’هُوَ‘‘ ہے اور جس کے ابہام کی توضیح ’’ حِمْلًا ‘‘ تمیز کے ساتھ کی گئی ہے۔