سورة طه - آیت 35

إِنَّكَ كُنتَ بِنَا بَصِيرًا

بے شک تو ہمیشہ ہمارے حال کو خوب دیکھنے والا رہا ہے۔

اِنَّكَ كُنْتَ بِنَا بَصِيْرًا : ’’ كُنْتَ ‘‘ میں ’’ كَانَ ‘‘ استمرار کے لیے ہے کہ ’’بے شک تو ہمیشہ ہمارا نگران اور نگہبان رہا ہے۔‘‘ یعنی جب ہم بچے تھے اس وقت بھی تو نے ہماری پرورش کی اور ہمیں دشمنوں سے محفوظ رکھا، اب بھی تیری اسی رحمت کے وسیلے سے تیری جناب میں درخواست ہے کہ ہماری یہ دعائیں قبول فرما۔ اس آیت میں اللہ تعالیٰ کی صفات اور پہلی نوازشوں کے وسیلے سے دعا کا سبق بھی ہے۔