سورة الاعراف

وَالَّذِينَ يُمَسِّكُونَ بِالْكِتَابِ وَأَقَامُوا الصَّلَاةَ إِنَّا لَا نُضِيعُ أَجْرَ الْمُصْلِحِينَ

اور جو لوگ کتاب کو مضبوطی سے پکڑتے ہیں اور انھوں نے نماز قائم کی، یقیناً ہم اصلاح کرنے والوں کا اجر ضائع نہیں کرتے۔

وَ الَّذِيْنَ يُمَسِّكُوْنَ بِالْكِتٰبِ....: کتاب کو مضبوطی سے پکڑنے سے مراد اس پر عمل کرنا ہے اور نماز بھی اگرچہ اس میں شامل تھی مگر اس کو خصوصاً اس لیے ذکر فرمایا کہ یہ دین کا بنیادی ستون ہے۔ رسول اللہ صلی اللہ علیہ وسلم نے فرمایا : (( إِنَّ بَيْنَ الرَّجُلِ وَ بَيْنَ الشِّرْكِ وَالْكُفْرِ تَرْكَ الصَّلَاةِ)) [ مسلم، الإیمان، باب بیان اطلاق اسم الکفر....: ۸۲، عن جابر رضی اللّٰہ عنہ ] ’’یقیناً آدمی کے درمیان اور شرک و کفر کے درمیان نماز کا ترک ہے۔‘‘ گویا نماز نہیں تو کتاب سے تمسک بھی نہیں۔