سورة البقرة

وَلَوْ أَنَّهُمْ آمَنُوا وَاتَّقَوْا لَمَثُوبَةٌ مِّنْ عِندِ اللَّهِ خَيْرٌ ۖ لَّوْ كَانُوا يَعْلَمُونَ

اور اگر واقعی وہ ایمان لاتے اور بچتے تو یقیناً اللہ کے پاس سے تھوڑا ثواب بھی بہت بہتر تھا، کاش! وہ جانتے ہوتے۔

1۔ لَمَثُوْبَةٌ: اس میں تنوین تقلیل کے لیے ہے، اس لیے ترجمہ ’’تھوڑا ثواب‘‘ کیا گیا ہے۔ 2۔پچھلی آیت میں ہے : ﴿وَ لَقَدْ عَلِمُوْا ﴾ یعنی یہود جانتے تھے، یہاں فرمایا : ﴿ لَوْ كَانُوْا يَعْلَمُوْنَ ﴾ ’’کاش وہ جانتے ہوتے ‘‘ اس سے معلوم ہوا کہ علم پر عمل نہ کرنے والا درحقیقت عالم ہی نہیں ۔