سورة الانعام - آیت 131

ذَٰلِكَ أَن لَّمْ يَكُن رَّبُّكَ مُهْلِكَ الْقُرَىٰ بِظُلْمٍ وَأَهْلُهَا غَافِلُونَ

ترجمہ عبدالسلام بھٹوی - عبدالسلام بن محمد

یہ اس لیے کہ بے شک تیرا رب کبھی بستیوں کو ہلاک کرنے والا نہیں، جب کہ اس کے رہنے والے بے خبر ہوں۔

تفسیرتیسیرارحمٰن - محمد لقمان سلفی

(132) انبیاء ورسل کی بعثت کاسبب بیان کیا گیا ہے کہ اللہ تعالیٰ نے جن وانس کی رہنمائی کے لیے انبیاء اس لیے مبعوث کیے، تاکہ قیامت کے دن کفارو مشرکین نہ کہیں کہ ان کے پاس نہ انبیاء آئے، نہ کتابیں اتریں، اور نہ ہی کسی نے انہیں اللہ کا خوف دلا یا پھر آج انہیں کیوں عذاب دیا جا رہا ہے۔