سورة الكافرون

لَكُمْ دِينُكُمْ وَلِيَ دِينِ

تمھارے لیے تمھارا دین اور میرے لیے میرا دین ہے۔

(6)آخری آیت ﴿لَكُمْ دِينُكُمْ وَلِيَ دِينِ Ĭ میں اللہ تعالیٰ نے نبی کریم (ﷺ) کو ان کافروں کے ایمان لانے سے قطعی طور پر ناامید کردیا ہے جن کے ایمان لانے کی آپ (ﷺ) خواہش رکھتے تھے اور ان کافروں کو جنہوں نے آپ (ﷺ) کو بتوں کی پرستش کا مشورہ دیا تھا، اس بات سے قطعی طور پر ناامید بنا دیا ہے کہ آپ (ﷺ) ان کی فاسد و باطل رائے کو مان کر کبھی ان کے بتوں کی پرستش کریں گے چنانچہ وہ مشرکین جنہوں نے آپ (ﷺ) کو بتوں کی پرستش کا مشورہ دیا، سب کی موت کفر پر ہوئی، کوئی میدان بدر میں مارا گیا اور کوئی مکہ میں ہی حالت کفر میں ہلاک ہوا اور اللہ کی بات ان کے بارے میں صادق ہوئی کہ وہ ایمان نہیں لائیں گے۔