سورة القدر - آیت 2
وَمَا أَدْرَاكَ مَا لَيْلَةُ الْقَدْرِ
ترجمہ عبدالسلام بھٹوی - عبدالسلام بن محمد
اور تجھے کس چیز نے معلوم کروایا کہ قدر کی رات کیا ہے؟
تفسیرتیسیرارحمٰن - محمد لقمان سلفی
(2/3) اللہ تعالیٰ نے لیلتہ القدر کی عظمت و اہمیت کو بیان کرنے کے لئے نبی کریم (ﷺ) کو مخاطب کر کے کہا : آپ کو کیا معلوم کہ لیلتہ القدر کیا ہے؟ لیلتہ القدر ایسے ہزار مہینوں سے بہتر ہے جن میں کوئی لیلتہ القدر نہ ہو، یعنی ایک لیلتہ القدر تراسی سال اور چار ماہ سے بہتر ہوتی ہے۔