سورة البلد - آیت 7

أَيَحْسَبُ أَن لَّمْ يَرَهُ أَحَدٌ

ترجمہ عبدالسلام بھٹوی - عبدالسلام بن محمد

کیا وہ خیال کرتا ہے کہ اسے کسی نے نہیں دیکھا ؟

تیسیر الرحمن لبیان القرآن - محمد لقمان السلفی رحمہ اللہ

(7)اور وہ یہ بھی گمان کر بیٹھا کہ اللہ اسے نہیں دیکھ رہا ہے اور ہر چھوٹے اور بڑے گناہ پر اس کا محاسبہ نہیں کرے گا۔ یہ اس کی خام خیالی ہے، قیامت ضرور آئے گی اور رب ذوالجلال ہر چیز پر غالب ہے، اسے کوئی مغلوب نہیں کرسکتا، وہ قیامت کے دن اس کے ایک ایک عمل کا حساب لے گا اور جس دولت کو اپنی شہوتوں کی تسکین کے لئے پانی کی طرح بہا تا تھا اس پر ضرور اس کا مواخذہ کرے گا اس دن کوئی بھی اس سے راہ فرار نہیں اختیار کرسکے گا۔