سورة البلد - آیت 1

لَا أُقْسِمُ بِهَٰذَا الْبَلَدِ

ترجمہ عبدالسلام بھٹوی - عبدالسلام بن محمد

نہیں، میں اس شہر کی قسم کھاتا ہوں!

تیسیر الرحمن لبیان القرآن - محمد لقمان السلفی رحمہ اللہ

متعدد گزشتہ آیتوں میں ﴿ لَا أُقْسِمُ Ĭ کی تفسیر گذر چکی ہے اور بتایا جا چکا ہے کہ لفظ ” لا“ زائد ہے اور یہاں ” البلد“ سے مراد مکہ مکرمہ ہے اور قسم کو اس حال کے ساتھ مقید کردیا گیا ہے کہ نبی کریم (ﷺ) اس شہر میں موجود ہیں، جس سے اشارہ اس طرف ہے کہ مکہ کی قسم اس لئے کھائی جا رہی ہے کہ آپ وہاں موجود ہیں۔