سورة النازعات - آیت 22
ثُمَّ أَدْبَرَ يَسْعَىٰ
ترجمہ عبدالسلام بھٹوی - عبدالسلام بن محمد
پھر واپس پلٹا، دوڑ بھاگ کرتا تھا۔
تفسیرتیسیرارحمٰن - محمد لقمان سلفی
(22)اور کبر و غرور کا اظہار کرتے ہوئے مجلس سے اٹھ کر چل دیا اور دل میں ٹھان لیا کہ وہ موسیٰ (علیہ السلام) کے پیش کردہ معجزوں کا شیطانی سازشوں اور حیلوں کے ذریعہ مقابلہ کرے گا۔ ﴿ثُمَّ أَدْبَرَ يَسْعَىٰ Ĭ کا ایک مفہوم یہ بھی بیان کیا گیا ہے کہ جب اس نے لاٹھی کو سانپ بن کر دوڑتے دیکھا تو اس پر شدید دہشت طاری ہوگئی اور پیچھے مڑ کر تیزی کے ساتھ بھاگا۔