سورة المرسلات - آیت 3

وَالنَّاشِرَاتِ نَشْرًا

ترجمہ عبدالسلام بھٹوی - عبدالسلام بن محمد

اور جو (بادلوں کو اٹھاکر) پھیلا دینے والی ہیں! خوب پھیلانا۔

تیسیر الرحمن لبیان القرآن - محمد لقمان السلفی رحمہ اللہ

(3)اور ” الناشرات‘ سے مراد یا تو ہوائیں ہیں جو بادل اور بارش کو فضا میں پھیلا دیتی ہیں۔ اللہ تعالیٰ نے سورۃ الروم آیت (84) میں فرمایا ہے : ﴿اللَّهُ الَّذِي يُرْسِلُ الرِّيَاحَ فَتُثِيرُ سَحَابًا فَيَبْسُطُهُ فِي السَّمَاءِ Ĭ” اللہ ہی ہواؤں کو بھیجتا ہے جو بادل کو بکھیر دیتی ہیں، پھر اللہ تعالیٰ اسے آسمان میں پھیلا دیتا ہے۔“ یا اس سے مراد فرشتے ہیں جو زمین میں احکام شریعت، علم و حکمت اور نبوت و ہدایت کو پھیلا دیتے ہیں ، حافظ ابن کثیر کے نزدیک راجح یہی ہے کہ المرسلات، العاصفات اور الناشرات تینوں سے مراد ہوائیں ہیں، جن کی تفصیل اوپر گزر چکی ہے۔