سورة القيامة

بِسْمِ اللَّهِ الرَّحْمَٰنِ الرَّحِيمِ

اللہ کے نام سے جو بے حد رحم والا، نہایت مہربان ہے۔

سورۃ القیامہ مکی ہے، اس میں چالیس آیتیں اور دو رکوع ہیں تفسیر سورۃ القیامہ نام : پہلی آیت میں ہی لفظ ” القیامۃ“ آیا ہے یہی اس کا نام رکھ دیا گیا ہے بعض روایات میں انب عباس (رض) سے مروی اس کا نام ” سورۃ لا اقسم“ بھی آیا ہے۔ زمانہ نزول : یہ سورت بالا تفاق مکی ہے، ابن مردویہ نے اور بیہقی نے (دلائل میں) ابن عباس (رض) سے روایت کی ہے کہ سورۃ القیامہ اور ایک روایت کے مطابق ” سورۃ لا اقسم“ مکہ میں نازل ہوئی تھی ابن مردویہ نے عبداللہ بن زبیر (رض) سے بھی یہی روایت کی ہے۔