سورة نوح - آیت 24

وَقَدْ أَضَلُّوا كَثِيرًا ۖ وَلَا تَزِدِ الظَّالِمِينَ إِلَّا ضَلَالًا

اور بلاشبہ انھوں نے بہت سے لوگوں کو گمراہ کردیا اور تو ان ظالموں کو گمراہی کے سوا کسی چیز میں نہ بڑھا۔

(24)ان مالداروں اور عیش پرستوں نے اپنی اس گمراہ کن دعوت کے ذریعہ بہتوں کو گمراہ کیا ہے نوح (علیہ السلام) نے اپنی قوم کی سرکشی، ان کا طغیان اور ان کا کفر و شرک اللہ کے سامنےبیان کرنے کے بعد، ان پر بد دعا بھیج دی اور کہا اے میرے رب ! اب ان ظالموں کو تو مزید گمراہ کر دے، اس لئے کہ صالح و تقویٰ کی قابلیت ان کے اندر سے معدوم ہوچکی ہے۔