سورة الرحمن - آیت 62

وَمِن دُونِهِمَا جَنَّتَانِ

ترجمہ عبدالسلام بھٹوی - عبدالسلام بن محمد

اور ان دو (باغوں) کے علاوہ اور دوباغ ہیں۔

تیسیر الرحمن لبیان القرآن - محمد لقمان السلفی رحمہ اللہ

(23) آیت (46) میں جن دونوں جنتوں کا ذکر آیا ہے اور جن کے نام بعض مفسرین نے جنت عدن اور جنت نعیم بتائے ہیں، ان کے علاوہ بھی دو جنتیں ہوں گی، جو پہلی دونوں سے درجے میں کم ہوں گی پہلی دونوں عرش کے زیادہ قریب ہوں گی، اور اللہ کے مقرب بندوں کو ملیں گی اور دوسری دونوں اصحاب الیمین کے لئے ہوں گی، اور ان دونوں کے نام جنت الفردوس اور جنت الماوی بتائے گئے ہیں ان دونوں جنتوں کے درخت بہت ہی گھنے ہوں گے