سورة القمر

فَدَعَا رَبَّهُ أَنِّي مَغْلُوبٌ فَانتَصِرْ

تو اس نے اپنے رب کو پکارا کہ بے شک میں مغلوب ہوں، سو تو بدلہ لے۔

نوح (علیہ السلام) جب اپنی قوم کی ہدایت سے بالکل مایوس ہوگئے اور کفر پر ان کا اصرار اور سرکشی حد سے متجاوز ہوگئی، تو انہوں نے ان پر بد دعا کردی اور اللہ سے کہا کہ اے میرے رب ! میری قوم نے اپنے تمرد و سرکشی کے ذریعہ مجھے مغلوب و عاجز بنا دیا ہے اور مجھے تبلیغ رسالت سے سختی کے ساتھ روک دیا ہے اب تو ہی ان سے نمٹ اور ان پر اپنا عذاب بھیج دے۔