سورة القمر - آیت 2

وَإِن يَرَوْا آيَةً يُعْرِضُوا وَيَقُولُوا سِحْرٌ مُّسْتَمِرٌّ

ترجمہ عبدالسلام بھٹوی - عبدالسلام بن محمد

اور اگر وہ کوئی نشانی دیکھتے ہیں تو منہ پھیر لیتے ہیں اور کہتے ہیں کہ (یہ) ایک جادو ہے جو گزر جانے والا ہے۔

تیسیر الرحمن لبیان القرآن - محمد لقمان السلفی رحمہ اللہ

اسی بات کو اللہ تعالیٰ نے آیت (2) میں بیان فرمایا ہے کہ جب انہوں نے اس معجزے کو مشاہدہ کرلیا تو بجائے اسکے کہ ایمان لے آتے، استکبار میں آ کر اسے ماننے سے انکار کردیا اور کہنے لگے کہ یہ تو بڑا ہی زبردست جادو ہے جو محمد نے ہم پر کردیا ہے۔