سورة الجاثية

وَقِيلَ الْيَوْمَ نَنسَاكُمْ كَمَا نَسِيتُمْ لِقَاءَ يَوْمِكُمْ هَٰذَا وَمَأْوَاكُمُ النَّارُ وَمَا لَكُم مِّن نَّاصِرِينَ

اور کہہ دیا جائے گا کہ آج ہم تمھیں بھلا دیں گے جیسے تم نے اپنے اس دن کے ملنے کو بھلادیا اور تمھارا ٹھکانا آگ ہے اور تمھارے کوئی مدد کرنے والے نہیں۔

اور اللہ تعالیٰ ان سے کہے گا کہ آج ہم تمہیں جہنم میں ڈال کر اسی طرح بھول جائیں گے جس طرح تم اس دن کو بھول کر شرک و معاصی کا ارتکاب کرتے رہے، اور نیک عمل سے دور رہے، جو آج عذاب نار سے تمہاری نجات کا سبب بنتا اور اب کوئی نہیں جو تمہیں عذاب نار سے نجات دلا سکے اور تم اس انجام بد سے اس سبب سے دوچار ہوئے ہو کہ تم نے قرآن کریم کا مذاق اڑایا تھا اور دنیا کی رنگ رلیوں نے تمہیں دھوکے میں ڈال دیا تھا اور تم سمجھ بیٹھے تھے کہ نہ کوئی دوسری زندگی ہے اور نہ ہی حساب و جزا ہے۔