سورة الزخرف - آیت 37

وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُم مُّهْتَدُونَ

ترجمہ عبدالسلام بھٹوی - عبدالسلام بن محمد

اور بے شک وہ ضرور انھیں اصل راستے سے روکتے ہیں اور یہ سمجھتے ہیں کہ بے شک وہ سیدھی راہ پر چلنے والے ہیں۔

تیسیر الرحمن لبیان القرآن - محمد لقمان السلفی رحمہ اللہ

آیت (37) میں اللہ تعالیٰ نے فرمایا کہ وہ شیاطین قرآن سے اعراض کرنے والوں کو راہ حق کی اتباع سے روکتے رہتے ہیں اور ان کے دل میں خیال ڈالتے رہتے ہیں کہ وہ حق پر ہیں ایک دوسرا معنی یہ بیان کیا گیا ہے کہ وہ کفاران شیاطین کو راہ حق پر سمجھتے ہیں، اسی لئے ان کی پیروی کرتے ہیں۔