سورة الزخرف

وَالَّذِي خَلَقَ الْأَزْوَاجَ كُلَّهَا وَجَعَلَ لَكُم مِّنَ الْفُلْكِ وَالْأَنْعَامِ مَا تَرْكَبُونَ

اور وہ جس نے سب کے سب جوڑے پیدا کیے اور تمھارے لیے وہ کشتیاں اور چوپائے بنائے جن پر تم سوار ہوتے ہو۔

(5) اس ذات باری تعالیٰ کی صفت یہ بھی ہے کہ اس نے انواع و اقسام کی چیزیں اور تمام حیوانات و نباتات کے جوڑے پیدا کئے ہیں، صرف اس کی ذات فرد ہے، اس کا کوئی جوڑا نہیں ہے اور اس نے انسان کو کشتی بنانے کا علم دیا اور اس کے لئے چوپائے پیدا کئے لوگ ان کشتیوں اور چوپایوں پر سوار ہو کر سفر کرتے ہیں۔