سورة غافر - آیت 17

الْيَوْمَ تُجْزَىٰ كُلُّ نَفْسٍ بِمَا كَسَبَتْ ۚ لَا ظُلْمَ الْيَوْمَ ۚ إِنَّ اللَّهَ سَرِيعُ الْحِسَابِ

ترجمہ عبدالسلام بھٹوی - عبدالسلام بن محمد

آج ہر شخص کو اس کا بدلہ دیا جائے گا جو اس نے کمایا، آج کوئی ظلم نہیں۔ بے شک اللہ بہت جلد حساب لینے والا ہے۔

تیسیر الرحمن لبیان القرآن - محمد لقمان السلفی رحمہ اللہ

جس دن ہر شخص کو عدل الٰہی کے مطابق اس کے کئے کا بدلہ چکا دیا جائے گا، اس دن کسی پر کوئی ظلم نہیں ہوگا۔ صحیح مسلم میں ابو ذرغفاری (رض) سے حدیث قدسی مروی ہے، اللہ تعالیٰ نے فرمایا : اس دن کسی پر کوئی ظلم نہیں ہوگا۔ صحیح مسلم میں ابو ذر غفاری (رض) سے حدیث قدسی مروی ہے، اللہ تعالیٰ نے فرمایا : اے میرے بندو ! میں نے اپنے آپ پر ظلم حرام کردیا ہے اور اسے تمہارے درمیان بھی حرام کردیا ہے اس لئے ایک دوسرے پر ظلم نہ کرو۔ آخر میں اللہ تعالیٰ نے فرمایا کہ وہ بڑا تیز حساب لینے والا ہے۔ سورۃ لقمان آیت (28) میں آیا ہے : ﴿ مَا خَلْقُكُمْ وَلَا بَعْثُكُمْ إِلَّا كَنَفْسٍ وَاحِدَةٍ ﴾ ” تم سب کی پیدائش اور مرنے کے بعد جلانا ایسا ہی ہے جیسے ایک جان کا“