سورة الزمر

إِنَّا أَنزَلْنَا إِلَيْكَ الْكِتَابَ بِالْحَقِّ فَاعْبُدِ اللَّهَ مُخْلِصًا لَّهُ الدِّينَ

بلاشبہ ہم نے تیری طرف یہ کتاب حق کے ساتھ نازل کی، پس اللہ کی عبادت اس طرح کر کہ تو دین کو اسی کے لیے خالص کرنے والا ہو۔

اس لئے اے میرے نبی ! آپ صرف اللہ کی عبادت کیجیے جس کا کوئی شریک نہیں اور انسانوں کو بھی اسی بات کی دعوت دیجیے اور انہیں بتا دیجئے کہ رب العالمین کا کوئی مدمقابل نہیں ہے، اس لئے اس کے سوا کسی کی عبادت جرم عظیم ہے۔