سورة الصافات - آیت 146

وَأَنبَتْنَا عَلَيْهِ شَجَرَةً مِّن يَقْطِينٍ

ترجمہ عبدالسلام بھٹوی - عبدالسلام بن محمد

اور ہم نے اس پر ایک بیل دار پودا اگا دیا۔

تیسیر الرحمن لبیان القرآن - محمد لقمان السلفی رحمہ اللہ

اللہ تعالیٰ نے ان کی حفاظت کا یہ سامان کیا کہ وہاں فوراً یقطین کا ایک درخت اگ آیا جس کے پتے ان پر سایہ فگن ہوگئے اور انہیں دھوپ اور مکھی سے بچانے لگے۔ مفسرین لکھتے ہیں کہ اللہ نے ان کے لئے ایک دودھ دینے والی ہر نی کو مسخر کردیا جو صبح و شام انہیں دودھ پلانے کے لئے ان کے پاس آجایا کرتی، یہاں تک کہ وہ بالکل تندرست ہوگئے اور اپنی قوم کے پاس واپس گئے تو دیکھا کہ وہ سب مسلمان ہوچکے ہیں اور ان کے جانے کے بعد انہوں نے اپنے گناہوں سے توبہ کرلی تھی اس لئے اللہ نے ان سے عذاب کو ٹال دیا تھا۔