سورة الصافات - آیت 20

وَقَالُوا يَا وَيْلَنَا هَٰذَا يَوْمُ الدِّينِ

ترجمہ عبدالسلام بھٹوی - عبدالسلام بن محمد

اور کہیں گے ہائے ہماری بربادی! یہ تو جزا کا دن ہے۔

تفسیر تیسیر الرحمن لبیان القرآن - محمد لقمان سلفی صاحب

(٧) منکرین قیامت کو جب اس دن اپنی ہلاکت و بربادی کا یقین ہوجائے گا اور سب کچھ اپنی آنکھوں سے دیکھ لیں گے تب بعث بعد الموت کا اعتراف کرتے ہوئے کہیں گے کہ یہی ہے بدلے کا وہ دن جس کا ہم دنیا میں ان کار کرتے تھے، اور فرشتے اور مومنین ان سے زجر و توبیخ کے طور پر کہیں گے کہ ہاں، یہی وہ دن ہے جس کی تم لوگ دنیا میں تکذیب کرتے تھے اور اللہ تعالیٰ فرشتوں سے کہے گا کہ لے جاؤ ان ظالموں کو اور ان جیسے تمام مجرمین کو اور ان تمام جھوٹے معبودوں کو جن کی یہ لوگ اللہ کے سوا عبادت کرتے تھے اور ان سب کو جہنم کی راہ پر ڈال دو، جس پر چل کر اس کی کھائی میں گر جائیں۔