سورة الشعراء

إِنَّهُ هُوَ السَّمِيعُ الْعَلِيمُ

بے شک وہی سب کچھ سننے والا، سب کچھ جاننے والاہے۔

اس لیے کہ وہ بڑا سننے والا اور خوب جاننے والا ہے۔ مفسرین لکھتے ہیں کہ جب آپ کو شرک اور مشرکین سے اعلان براءت کا حکم دیا گیا تو لازم تھا کہ آپ کو اللہ پر بھروسہ کرنے کی نصیحت کی جاتی، کیونکہ اعلانِ براءت کے بعد تمام مشرکین نے آپ سے کھل کر دشمنی کرنا شروع کردی، ایسی حالت میں آپ ایک فرد و احد کی حیثیت سے اللہ کی نصرت و تائید اور اس کی مدد کے بغیر پوری قوم کا کیسے مقابلہ کرسکتے تھے۔