سورة الفرقان

بِسْمِ اللَّهِ الرَّحْمَٰنِ الرَّحِيمِ

اللہ کے نام سے جو بے حد رحم والا، نہایت مہربان ہے۔

سورۃ الفرقان مکی ہے، اس میں ستتر آیتیں اور چھ رکوع ہیں۔ نام : اس سورت میں فرقان کا لفظ تین بار آیا ہے جو قرآن کریم کی اہم ترین صفت ہے، اسی لیے اس کا یہی نام رکھ دیا گیا ہے۔ زمانہ نزول : جمہور اہل علم کے نزدیک یہ سورت مکی دور میں نازل ہوئی تھی۔ قرطبی نے قتادہ اور ابن عباس کے حوالے سے آیات (68) سے (70) تک کو مدنی بتایا ہے۔ مکی دور کی سورتوں کی طرح اس میں بھی قرآن کریم، رسول اکرم کی نبوت اور دین اسلام کی صداقت سے متعلق کفار مکہ کے شبہات کی تردید کی گئی ہے اور انہیں ایمان و اسلام کی دعوت دی گئی ہے۔