سورة ابراھیم

يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ۖ وَبَرَزُوا لِلَّهِ الْوَاحِدِ الْقَهَّارِ

جس دن یہ زمین اور زمین سے بدل دی جائے گی اور سب آسمان بھی اور لوگ اللہ کے سامنے پیش ہوں گے، جو اکیلا ہے، بڑا زبردست ہے۔

(36) آیت (44) میں قیامت کے دن کا ذکر آیا ہے، اسی کا یہاں دوبارہ ذکر ہورہا ہے کہ اس دن زمین و آسمان کا نقشہ ہی بدلا ہوگا، پہاڑروئی کے گالے کے مانند اڑ رہا ہوگا، سمندر کا پانی پھوٹ پڑے گا اور زمین ہموار ہوجائے گی، آسمان کے ستارے بکھر جائیں گے اور شمس و قمر بے نور ہوجائیں گے، اور لوگ اپنی قبروں سے نکل کر اللہ تعالیٰ کے سامنے حاضر ہونے کے لیے دوڑ رہے ہوں گے تاکہ وہ انہیں ان کے اعمال کا بدلہ چکائے۔