سورة الصافات

إِلَّا عَجُوزًا فِي الْغَابِرِينَ

سوائے ایک بڑھیا کے جو پیچھے رہ جانے والوں میں سے تھی۔

[٧٧] سیدنا لوط اور ان کی قوم :۔ سیدنا لوط علیہ السلام کی بیوی جو اپنے شوہر کی خائن تھی۔ اس کی تمام وفاداریاں مجرم قوم کے ساتھ تھیں۔ گھر میں کوئی مہمان آجاتا تو وہی ان مجرموں کو خفیہ اشارے کرتی تھی۔ ہجرت کے وقت سیدنا لوط علیہ السلام کو خصوصی ہدایت تھی کہ وہ تمہارے ساتھ نہیں جائے گی۔ بلکہ مجرموں جیسا ہی اس کا بھی حشر ہوگا۔