سورة الاعراف

قَالَ اخْرُجْ مِنْهَا مَذْءُومًا مَّدْحُورًا ۖ لَّمَن تَبِعَكَ مِنْهُمْ لَأَمْلَأَنَّ جَهَنَّمَ مِنكُمْ أَجْمَعِينَ

فرمایا اس سے نکل جا، مذمت کیا ہوا، دھتکارا ہوا، بے شک ان میں سے جو تیرے پیچھے چلے گا میں ضرور ہی جہنم کو تم سب سے بھروں گا۔

ابلیس کو تو اللہ تعالیٰ نے جنت سے نکال دیا، اور آدم کے بعد اسکی بیوی کو پیدا کرکے ان دونوں سے فرمایا ’’کہ یہ جنت تمہارا مسکن ہے یہاں سے جو چاہو اور جتنا چاہو کھاؤ پیؤ، البتہ اس ایک درخت کے قریب نہ پھٹکنا۔‘‘ یہ درخت کونسا تھا اسکی حقیقت جاننے کی ضرورت نہیں، اس حکم سے مقصو د حضرت آدم و حوّا کی آزمائش تھی کہ وہ کہاں تک اللہ کا یہ حکم بجا لاتے ہیں اور شیطان جو اپنی چھاتی پر ہاتھ مار کر کہتا تھا کہ میں آدم اور اس کی اولاد کو گمراہ کرکے چھوڑوں گا، کیا یہ اس کی چالوں میں آتے ہیں یا نہیں۔