سورة الانعام

وَوَهَبْنَا لَهُ إِسْحَاقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِ دَاوُودَ وَسُلَيْمَانَ وَأَيُّوبَ وَيُوسُفَ وَمُوسَىٰ وَهَارُونَ ۚ وَكَذَٰلِكَ نَجْزِي الْمُحْسِنِينَ

اور ہم نے اسے اسحاق اور یعقوب عطا کیے، ان سب کو ہم نے ہدایت دی اور اس سے پہلے نوح کو ہدایت دی اور اس کی اولاد میں سے داؤد اور سلیمان اور ایوب اور یوسف اور موسیٰ اور ہارون کو اور اسی طرح ہم نیکی کرنے والوں کو جزا دیتے ہیں۔

اس آیت میں (دس انبیاء علیہم السلام کا ذکر آیا)فرمایا کہ یہ سب کے سب انبیاء صالح لوگ تھے، اولاد تو اللہ کی دین ہے وہ ہدایت بھی دیتا ہے جیسے حضرت نوح علیہ السلام اور اس کی اولاد کو دی۔ اورا ن میں سے ہم نے ہرایک کو اقوام عالم پرفضیلت عطا کی۔ اللہ تعالیٰ نیکو کاروں کو ایسے ہی جزا دیتا ہے۔