سورة المآئدہ

لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ ۚ وَهُوَ عَلَىٰ كُلِّ شَيْءٍ قَدِيرٌ

اللہ ہی کے لیے آسمانوں اور زمین کی بادشاہی ہے اور اس کی بھی جو ان میں ہے اور وہ ہر چیز پر پوری طرح قادر ہے۔

اس آیت میں حضرت عیسیٰ اور حضرت مریم کی الوہیت کی تردید کی دلیل دی گئی ہے کیونکہ ہر چیز کی ملکیت اللہ کی ہے اس لیے کوئی اس میں شریک نہیں ہوسکتا۔ مملوک اور غلام تو ہوسکتا ہے شریک نہیں۔ حضرت عبداللہ بن عمر رضی اللہ عنہما فرماتے ہیں سب سے آخری سورت یہی سورۂ مائدہ اتری۔ (ترمذی: ۳۰۶۳)