سورة المآئدہ

أَلَمْ تَعْلَمْ أَنَّ اللَّهَ لَهُ مُلْكُ السَّمَاوَاتِ وَالْأَرْضِ يُعَذِّبُ مَن يَشَاءُ وَيَغْفِرُ لِمَن يَشَاءُ ۗ وَاللَّهُ عَلَىٰ كُلِّ شَيْءٍ قَدِيرٌ

کیا تو نے نہیں جانا کہ بے شک اللہ ہی ہے جس کے پاس آسمانوں اور زمین کی بادشاہی ہے، عذاب دیتا ہے جسے چاہتا ہے اور بخش دیتا ہے جسے چاہتا ہے اور اللہ ہر چیز پر پوری طرح قادر ہے۔

اللہ کے بارے میں انسان سب کچھ جانتا ہے مگر پھر بھی ڈرتا نہیں۔ اللہ کی صفات تو ایک سمندر ہے جو جتنا چاہے حاصل کرلے اللہ تعالیٰ فرماتا ہے کہ ان سزاؤں کو تم زیادہ کیوں سمجھتے ہو کیا تم نہیں جانتے کہ اللہ اکیلا اس زمین و آسمانوں کا مالک ہے قانون سازی کا حق اللہ کا ہے۔ جزا و سزا کا اختیار اللہ کا ہے دنیا میں بھی اور آخرت میں بھی، اگر چور کا ایک ہاتھ کاٹنے سے سارے انسان بچ جائیں تو اس میں بہتری ہے۔