سورة النسآء - آیت 161

وَأَخْذِهِمُ الرِّبَا وَقَدْ نُهُوا عَنْهُ وَأَكْلِهِمْ أَمْوَالَ النَّاسِ بِالْبَاطِلِ ۚ وَأَعْتَدْنَا لِلْكَافِرِينَ مِنْهُمْ عَذَابًا أَلِيمًا

ترجمہ عبدالسلام بھٹوی - عبدالسلام بن محمد

اور ان کے سود لینے کی وجہ سے، حالانکہ یقیناً انھیں اس سے منع کیا گیا تھا اور ان کے لوگوں کے اموال باطل طریقے کے ساتھ کھانے کی وجہ سے اور ہم نے ان میں سے کفر کرنے والوں کے لیے درد ناک عذاب تیار کر رکھا ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

یہودی ہر دور میں اسلام دشمن رہے ہیں، آج بھی دنیا میں سب سے بڑی سود خور، حرام خور اور مالدار قوم یہودی ہے۔ لیکن اس مالداری کے باوجود یہود ہمیشہ پٹتے ہی رہتے ہیں اور کہیں امن کی زندگی بسر نہیں کرسکتے، یہ عذاب تو انھیں دنیا میں ملا اور آخرت میں ان کی نافرمانیوں اور بدعہدیوں کی سزا مل کے ہی رہے گی۔