سورة النسآء

إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَن تَجِدَ لَهُمْ نَصِيرًا

بے شک منافق لوگ آگ کے سب سے نچلے درجے میں ہوں گے اور تو ہرگز ان کا کوئی مددگار نہ پائے گا۔

جس طرح جنت کے بہت سے درجات ہیں اسی طرح جہنم کے بھی بہت سے درجے ہیں، منافقین یا ان سے دوستی رکھنے والوں کا ٹھکانہ جہنم کے سب سے نچلے درجے میں ہوگا، جہاں سب سے زیادہ عذاب ہوگا اور یہ کافروں کی جہنم سے بھی زیادہ سخت درجہ ہوگا، کیونکہ کافر کسی کو دھوکا نہیں دیتا جبکہ منافق مسلمان اور کافر دونوں کو دھوکا میں رکھ کر ان دونوں سے مفادات حاصل کرنے کی کوشش کرتا رہتا ہے، اللہ کے ہاں تذبذب والا ایمان قابل قبول نہیں، اس لیے کھوٹے رویوں سے توبہ کرکے اصلاح کرے اور معافی طلب کرے۔