سورة الزلزلة

وَأَخْرَجَتِ الْأَرْضُ أَثْقَالَهَا

زمین اپنا بوجھ نکال باہر کرے گی۔

یہ بوجھ تین قسم كے ہوں گے۔ (۱)معدنیات: زر وجواہر كے مدفون خزانے، سیال چیزوں اور گیسوں كے خزانے۔ (۲) دفن شدہ مردوں كا بوجھ: یعنی حضرت آدم علیہ السلام سے لے كر تا قیامت جتنے انسان زمین میں مدفون ہوں گے زمین ان كے تمام اجزا نكال باہر پھینكے گی۔(۳) زمین كے وہ اجزا جن پر كسی انسان نے اچھا یا كوئی برا كارنامہ انجام دیا ہوگا جسے عام زبان میں موقعہ كی شہادت كہتے ہیں زمین كے یہی حصے اللہ كی عدالت میں مجرموں كے خلاف شہادت دیں گے۔