سورة البينة

إِنَّ الَّذِينَ آمَنُوا وَعَمِلُوا الصَّالِحَاتِ أُولَٰئِكَ هُمْ خَيْرُ الْبَرِيَّةِ

بے شک وہ لوگ جو ایمان لائے اور انھوں نے نیک اعمال کیے، وہی مخلوق میں سب سے بہتر ہیں۔

یعنی جو دل كے ساتھ ایمان لائے، نیك اعمال بجا لاتے رہے تمام مخلوق سے بہتر ہیں حتیٰ كہ فرشتوں سے بھی بہتر ہیں۔ اس لیے كہ فرشتوں كو خیر وشر كا اختیار ہی نہیں دیا گیا۔ ان كی اطاعت الٰہی اضطراری ہے اختیاری نہیں جبكہ مومنوں كی اطاعت اختیاری ہوتی ہے۔ علماء كہتے ہیں كہ عام مومن عام فرشتوں سے اور مقرب مومن مقرب فرشتوں سے افضل ہیں اور افضل الخلائق ہیں اور آپ صلی اللہ علیہ وسلم تمام مخلوق سے، جن میں سب فرشتے بھی شامل اور افضل ہیں۔