سورة القدر

تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

اس میں فرشتے اور روح اپنے رب کے حکم سے ہر امر کے متعلق اترتے ہیں۔

روح اور فرشتے: روح سے مراد جبرائیل امین ہیں جن كی قدر ومنزلت كی وجہ سے ان كا علیحدہ ذكر كیا گیا ہے اور اتنی كثیر تعداد میں فرشتے نازل ہوتے ہیں جن سے ساری دنیا بھر جاتی ہے اور ہر حكم سے مراد انسانوں كی تقدیریں ہیں جو اس دن طے كی جاتی ہیں، جیسا كہ سورئہ الدخان ۴ میں فرمایا: ﴿فِيْهَا يُفْرَقُ كُلُّ اَمْرٍ حَكِيْمٍ﴾ اسی رات میں ہر ایك مضبوط كام كا فیصلہ كیا جاتا ہے۔