سورة الضحى

وَأَمَّا السَّائِلَ فَلَا تَنْهَرْ

اور لیکن سائل، پس (اسے) مت جھڑک۔

سائل كو نہ جھڑك: سائل كے معنی، كوئی چیز مانگنے والا، كوئی بات پوچھنے والا بھی۔ پہلے معنی كے لحاظ سے اگر تم سے كوئی چیز مانگنے والا آئے تو اسے كچھ نہ كچھ ضرور دے دو، اور كچھ نہ ہو تو نرمی سے معذرت كر لو، یعنی سائل كو جھڑك دینا جائز نہیں۔ ایك دفعہ آپ صلی اللہ علیہ وسلم نے فرمایا: ’’كیا میں تمہیں ایسے آدمی كی خبر نہ دوں جو سب سے بدتر ہے۔ صحابہ کرام رضی اللہ عنہم نے عرض كیا: فرمائیے! آپ صلی اللہ علیہ وسلم نے فرمایا: وہ شخص جس سے اللہ كے نام پہ مانگا جائے اور وہ كچھ نہ دے۔ (نسائی: ۳۳۱۲) البتہ عادی سائل یعنی پیشہ ور بھکاری كو جھڑكنے میں كوئی مضائقہ نہیں۔