سورة البلد

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ

پھر ( یہ کہ) ہو وہ ان لوگوں میں سے جو ایمان لائے اور جنھوں نے ایک دوسرے کو صبر کی وصیت کی اور ایک دوسرے کو رحم کرنے کی وصیت کی۔

اصحاب الیمین كی خصوصیات: (۱) ایمان دار ہو، اعمال صالح كرنے والا ہو۔ (۲) روز آخرت پر ایمان بھی ركھتا ہو اور ایمانداروں كا ساتھ بھی دیتا ہو۔ (۳)رحم و كرم كرنے كی آپس میں ایك دوسرے كو وصیت كرنے والا ہو۔ ارشاد نبوی ہے کہ رحم كرنے والوں پر رحمان بھی رحم كرتا ہے۔ تم زمین والوں پر رحم كرو۔ آسمان والا تم پر رحم كرے گا۔ (ابو داؤد: ۴۹۴۱)