سورة الطارق

فَلْيَنظُرِ الْإِنسَانُ مِمَّ خُلِقَ

پس انسان کو لازم ہے کہ دیکھے وہ کس چیز سے پیدا کیا گیا۔

عالم بالا كی طرف توجہ دلانے كے بعد اب انسان كو دعوت دی جا رہی ہے كہ وہ ذرا اپنی پیدائش پر بھی غور كرے كہ كون ماں كے پیٹ میں اس كی پرورش كرتا رہا۔ پھر جب وہ ماں كے پیٹ سے باہر آیا تو اتنا زیادہ ناتواں اور كمزور تھا جتنا كمزور بچہ كسی دوسری جاندار مخلوق كا نہیں ہوتا۔ پھر دوسری تمام مخلوقات سے بڑھ كر اس كی نشوونما كے انتظامات فرمائے پھر پیدائش سے لے كر موت تك اس كی مسلسل نگرانی كرتا رہا۔ یہاں تك كہ وہ اپنی مدت موت تك پہنچ جاتا ہے جو اللہ نے اس كے لیے مقرر كر ركھی ہے كیا یہ سب كچھ اللہ كی تدبیر اور نگرانی كے بغیر ہونا ممكن ہے۔