سورة البروج

إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ

بلاشبہ وہ لوگ جو ایمان لائے اور انھوں نے نیک کام کیے ان کے لیے ایسے باغات ہیں جن کے نیچے سے نہریں بہ رہی ہیں، یہی بہت بڑی کامیابی ہے۔

اپنے دشمنوں كے انجام کو بیان كر كے ساتھ ہی مومن مردوں اور عورتوں كو تسلی دی جا رہی ہے كہ كفار كی ایذا رسانیوں سے گھبرائیں نہیں۔ ان سے پہلے بھی مومنوں پر بڑے بڑے مصائب ڈھائے جا چكے ہیں ان مصائب كو برداشت كرنے کے عوض جنتیں ہیں جن كے نیچے نہریں بہہ رہی ہیں۔ ان جیسی كامیابی كسی اور كو كیا ملے گی؟ اس كے مقابلے میں دنیا كی سب مصیبتیں ہیچ ہیں۔