سورة المرسلات

فَبِأَيِّ حَدِيثٍ بَعْدَهُ يُؤْمِنُونَ

پھر اس کے بعد وہ کس بات پر ایمان لائیں گے؟

یعنی حق و باطل میں امتیاز كے لحاظ سے، پند ونصیحت كے لحاظ سے، انسان كو نیك و بد سمجھانے كے لحاظ سے اور اسے اس کے اخروی انجام سے آگاہ كرنے كے لحاظ سے قرآن سے بہتر كوئی كتاب نہیں ہو سكتی، پھر اگر یہ لوگ اس پر بھی ایمان لانے كو تیار نہیں تو كیا اس كے بعد كوئی اور كتاب آسمان سے اترنے والی ہے، جس پر یہ ایمان لائیں گے۔ رسول اللہ صلی اللہ علیہ وسلم نے فرمایا: كہ جب كوئی شخص اس آیت پر پہنچے تو یوں كہے: اٰمَنَّا بِاللہِ۔ (مستدرك حاكم، ابوداود، كتاب الصلوٰة، باب مقدار الركوع والسجود، ح ۸۸۷۔ ضعیف اس كی سند میں الاعربی مجہول راوی ہے۔) الحمد للہ سورئہ المرسلات اور انتیسویں پارے كی تفسیر بھی مكمل ہوئی۔ یہ محض اسی كا فضل وكرم اور لطف ورحم ہے۔