سورة الإنسان - آیت 28

نَّحْنُ خَلَقْنَاهُمْ وَشَدَدْنَا أَسْرَهُمْ ۖ وَإِذَا شِئْنَا بَدَّلْنَا أَمْثَالَهُمْ تَبْدِيلًا

ترجمہ عبدالسلام بھٹوی - عبدالسلام بن محمد

ہم نے ہی انھیں پیدا کیا اور ہم نے ان ( کے اعضا) کا بندھن مضبوط باندھا اور ہم جب چاہیں گے بدل کر ان جیسے اور لوگ لے آئیں گے، بدل کر لانا۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ہم نے رحم مادر میں ان كے بند بند اور پور پور كو درست كر كے یا ان كے جوڑوں كو رگوں اور پٹھوں كے ذریعے سے ایك دوسرے كے ساتھ ملا دیا، اور ایك صاحب عقل وشعور انسان بنا كر پیدا كر دیا تھا تو ہم میں یہ بھی قدرت ہے كہ تمہیں ہٹا كر دوسری مخلوق تمہاری جگہ لے آئیں جو تمہاری طرح نافرمان اور سركش نہ ہو۔ اور یہ بھی قدرت ہے كہ تمہیں اس صفحۂ ہستی سے مٹا كر دوبارہ تمہیں پیدا كر كے تمہارا پوری طرح محاسبہ كریں۔