سورة الإنسان - آیت 27

إِنَّ هَٰؤُلَاءِ يُحِبُّونَ الْعَاجِلَةَ وَيَذَرُونَ وَرَاءَهُمْ يَوْمًا ثَقِيلًا

ترجمہ عبدالسلام بھٹوی - عبدالسلام بن محمد

یقیناً یہ لوگ جلد ملنے والی چیز سے محبت کرتے ہیں اور ایک بھاری دن کو اپنے پیچھے چھوڑ رہے ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

کفار مکہ اور ان جیسے دوسرے لوگوں کو دنیا کی دلفریبیوں، دلكشیوں اور اس كے مال و دولت سے انھیں گہری محبت ہے اس لیے ان کی ساری توجہ اسی پر ہے۔ (بھاری دن سے مراد) قیامت كو، اس كی شدتوں اور ہولناكیوں كی وجہ سے بھاری دن كہا اور چھوڑنے كا مطلب ہے كہ اس كے لیے تیاری نہیں كرتے اور اس كی پروا نہیں كرتے۔