سورة الإنسان

وَيُسْقَوْنَ فِيهَا كَأْسًا كَانَ مِزَاجُهَا زَنجَبِيلًا

اور اس میں انھیں ایسا جام پلایا جائے گا جس میں سونٹھ ملی ہوگی۔

زنجبیل (سونٹھ، خشك ادرك) كو كہتے ہیں یہ گرم ہوتی ہے اس كی آمیزش سے ایك خوشگوار تلخی پیدا ہوجاتی ہے۔ علاوہ ازیں عربوں كی یہ ایك مرغوب چیز ہے۔ چنانچہ ان كے قہوہ میں بھی زنجبیل شامل ہوتی ہے۔ مطلب یہ كہ جنت میں ایك وہ شراب ہوگی جس میں كافور كی آمیزش ہوگی اور دوسری گرم شراب ہو گی جس میں زنجبیل كی ملاوٹ ہوگی، یعنی جنت میں زنجبیل شراب كی بھی نہر ہوگی جسے سلسبیل كہتے ہیں۔