سورة القيامة

فَلَا صَدَّقَ وَلَا صَلَّىٰ

سو نہ اس نے سچ مانا اور نہ نماز ادا کی۔

ابوجہل كا شیخی بگھارنا اور متكبرانہ خیال: قرآن كی آیات سن كر انھیں جھٹلا دیا۔ نہ نماز پڑھی نہ رسول اللہ اور قرآن كی تصدیق ہی كی۔ الٹا منہ موڑ كر متكبرانہ انداز سے اپنے گھر كی طرف روانہ ہوگیا۔ اس سے ضمناً یہ معلوم ہوتا ہے كہ اللہ كی آیات كو سچا سمجھنے كے لیے سب سے پہلے اہم علامت نماز كی ادائیگی ہے۔ ان آیات میں كافروں كے ایك اور سردار كا بغیر نام لیے كردار پیش كیا گیا ہے یہ كردار ابوجہل كا تھا۔ جب آپ صلی اللہ علیہ وسلم نے اسے یہ آیات پڑھ كر سنائیں تو بدبخت كہنے لگا محمد( صلی اللہ علیہ وسلم ) مجھ كو كیا ڈراتے ہو۔ میرا نہ تم كچھ بگاڑ سكتے ہو نہ تمہارا پروردگار كچھ بگاڑ سكتا ہے۔ بخدا اس وادی میں میری عزت سب سے زیادہ ہے۔ اور میری محفل سب سے بڑی ہے۔