سورة المزمل

إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا

بلاشبہ رات کو اٹھنا (نفس کو) کچلنے میں زیادہ سخت اور بات کرنے میں زیادہ درستی والا ہے۔

اَقْوَمُ قِیْلًا: بات كو زیادہ درست بنانے والا۔ یعنی شب بیداری كا دوسرا فائدہ یہ ہے كہ اس وقت دل ودماغ تروتازہ ہوتے ہیں۔ شوروغل نہیں ہوتا لہٰذا اس وقت جو قرآن پڑھا جائے طبیعت پوری توجہ سے اس میں غور و فكر كرے گی گویا قرآن كے مطالب سمجھنے اور اس كی اثر پذیری كے لیے یہ وقت موزوں ہے۔