سورة الجن - آیت 22

قُلْ إِنِّي لَن يُجِيرَنِي مِنَ اللَّهِ أَحَدٌ وَلَنْ أَجِدَ مِن دُونِهِ مُلْتَحَدًا

کہہ دے یقیناً میں، مجھے اللہ سے کوئی بھی کبھی پناہ نہیں دے گا اور میں اس کے سوا کبھی پناہ کی کوئی جگہ نہیں پاؤں گا۔

یعنی میرے تصرف واختیار كا تو یہ حال ہے كہ تم كو نفع یا نقصان پہنچانا تو دور كی بات ہے مجھے تو اپنے بھی نفع ونقصان كا اختیار نہیں۔ اگر میں خود بھی خدا كی معصیت كروں تو قطعاً خدا مجھے معاف نہ كرے گا اور نہ كسی سے ہو سكے گا كہ مجھے بچا لے، مجھے كوئی پناہ كی جگہ اس كے سوا نظر ہی نہیں آتی۔